X
    Categories: منوعات

داليا إلياس :الجيران والأحياء بقت مازي زمان .. ونحن المبهدلين …وقول للزمان ارجع يازمان

القيادة _الخرطوم : وجّهت الشاعرة السودانية داليا إلياس دعوة إلى كافة الفئات السودانية القيام بحملة نظافة الساحات والشوارع العامة دون انتظار أي عون حكومي أو غيره قائلة :” نفسى نطلع كلنا ننضف البلد دى من النفايات لا ننتظر حكومة لا قطاع رسمي نعمل نفير فى كل حى زى زماااان نشارك فيهو كلنا…ونتنافس فى بعضنا نحن المتضررين وموجوعين وبنعانى من الريحة والذباب والباعوض والمناظر المؤذية نحنا العرباتنا ( إتهردبت) وحياتنا إتعطلت”

و وجهت داليا دعوة أخرى إلى الأمهات والشباب السوداني :” نفسى الأمهات يزبطوا القراريص والجبنة والشاى
والبنات يكفكفن ويلمن الوساخة ويربطن الأكياس ويزغردن بلا سبب والشباب يشمروا السواعد و(يكركو) النفايات و( يدككو) الواطة ويردمو الحفر ويفتحو المجارى ويضحكوا من جوة القلب والآباء يستلموا الإشراف والتوجيه والهظار
والمتابعة والأطفال يتفرغوا للمراسيل والمساعدة قدر قدرتهم”

واختتمت داليا حديثها بكلمات أظهرت تكدرها مما وصل إليه حال المجتمع السوداني وما حلّ به مردفة :” لكن للأسف الأحياء والجيران بقوا ما زى زمان
والنفوس ما زى زمان
وحرارة القلب ما زى زمان
والإلتزام ما زى زمان
قول للزمان….أرجع يا زمان

فاطمة بادي-صحيفة القيادة

تعليقات فيسبوك