رسالة من إبنة طبيب عذبه نظام البشير الى إبنة عبدالرحيم محمد حسين

رسالة من إبنة طبيب عذبه نظام البشير الى إبنة عبدالرحيم محمد حسين

وجهت فتاة تدعى نضال سلامة رسالة الى إبنة عبد الرحيم محمد حسين وزير الدفاع الاسبق في نظام المخلوع عمر البشير قائلة :

يوم ٢٣ ديسمبر ٢٠١٨ كنت قاعده نفس قعدتك دي وببكي بحرقه بعد جو ساقو أبوي من المستشفى وهو بسعف في الثوار من غير أي سبب ولا أي تهمه لفقتو ليهو تهم ما أنزل الله بها من سلطان .

عذبتوه في المعتقل وضربتوه أبوي طبيب يمكن كان يكون مصيرو زي استاذ احمد الخير او دكتور بابكر بس ربنا لطف حاكمتوه يوم ٢٩ /١٢ يوم السبت علما بأنو يوم السبت كان اجازه ومافي محكمه…اتحكم الساعه ١١بالليل ..اتحكم بقانون الطوارئ قبل ما ينزل وطبقو عليهو احمد هارون اظن ابوي أول زول اتحاكم بيهو ..ومنعونا نحضر محاكمته ومنعونا حتى نجيب ليهو محامي وكمان منعونا نشوفو طول ما هو مسجون ..حكموهو بي سته شهور من غير تهمه .. أحمد هارون قال لأبوي لو فاكر انو حتسقط ويمسكوها العلمانيين والشيوعيين تكون كذبت ابوي قال ليهو (قل اللهم مالك الملك تؤتي الملك من تشاء وتنزع الملك ممن تشاء ) قال ليهو انا ممكن هسه اشيل روحك هنا ومافي زول يعرف 💔

أمي مشت كم مره عشان تشوفو قالو ليها ممنوع لمن افتكرنا انهم قتلوه فاتطرت انها تدفع قروش للعسكري بس عشان تطمن عليهو فلما شافتو كان ماشي بعتب برجلو طلعت وم قدرت حتى تلاقيهو حتى البطانيه والفرش والسبحه والمصحف الوديناها ليهو لانو ديسمبر الفات كان برد شديد شالوها العساكر وخلو ابوي راقد في الارض ٤شهور ابوي اتسجن اربعه شهور ظلم ونحن ولا يوم ما رقدنا ولا غمض لينا جفن ودا كان حال ناس كتيره ما نحن بس .. يا علياء عبد الرحيم محمد حسين كان نفسي أواسيك لكن معليش أنا عندي مع أبوكي تار ونحن ما حنرتاح الا نشوفهم كلهم في حبال المشانق 🙂
وناخد حق الشهداء وحق ناس كتار اتسجنو ظلم زي ابوي.

القيادة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *