X
    Categories: الأخبار

عصابة من 3 فتيات تستدرج سائقي ترحال وتسرق سياراتهم

القيادة _الخرطوم : قامت عصابة من 3 فتيات باستدراج سائق عربة ترحال وسرقة سيارته عبر خطة محكمة بين الفتيات الثلاث ورجل أدّعين أنه والدهن وبحسب رواية القصة نقلا عن صاحب السيّارة المسروقة والذي نشرها بصفحة قروب ” احترس أمامك كشة” بالفيسبوك قائلاً :

“القصه طويله وتفاصيلها كتيرة وملبكة بس ح اختصرها في نقاط مستعجلة ركب معاي كابتن ترحال صدفه وطلع سارقين عربيتو
الحصل جاهو طلب من بحري للمعمورة الساعه 2ص والركاب طلعو 3 بنات وأبوهم اثناء الطريق ابوهم عامل عيان والبت طلبت منه يفتح ليهم المكيف وبعدها بشويه طلبو منو يجيب ليهو مويه من سوبرماركت وقفوه جبنهم (صاحب السوبرماركت تبع العصابة) قام عطل الكابتن واللحظة دي تمت سرقة العربية

صاحب العربية طلع لقى عربيته مافي والكويس أهلو في المرور والجيش والمباحث اتصل عليهم قفلو معابر الخرطوم كلها، العصابة لمن ما لقت طريقة تخارج العربية برة الولاية بعد ساعتين اتصلو عليه انو يجهز مبلغ 100 مليون ولا ما حيلم في العربية تاني المهم بعد بحث ومعاناة من المباحث وعمل كمين تم القبض على البنات لمن جو يستلمو القروش وهم موقفين العربية في مكان تاني بقية العصابة هربت وجاري البحث عنها العرفتو انو كانو حيعملو ورق جديد للعربية بواسطة صول في المرور (تبع العصابة) ويبيعوها من جديد”

فاطمة بادي _صحيفة القيادة

تعليقات فيسبوك