X
    Categories: الأخبار

سوداني يحكي قصته المؤثرة مع مرض الصرع ويوجه رسالة :”أي زول مريض يمشي التجاني الماحي وما يخجل”

القيادة _الخرطوم : وجدت حالة سوداني يشكو من مرض الصرع تفاعلا كبيرا من رواد مواقع التواصل الإجتماعي، حيث نشر مواطن سوداني على موقع فيسبوك قصته يحكي فيها عن معاناته من المرض قائلا:

“أنا مريض صرع من صغير عندي صرع بقع كتير، ناس بيتنا بسيطين،علي حساب فهمم ودوني الشيخ.عمل لي بخرات ومحايه النافع الله،مشيت شيخ تاني قال عندي جن لازم يطلع!!علاج الشيخ اول حاجه منعني من السكر ومن الصباح جلده لمن اغمر والمساء جلده لمن صوتي يتقرش من البكاء والصريخ،بس اقول افوض أمري إلي الله. يوم عمي ابراهيم جاء من السفر جابني عيادة نفسية.مع العلاج الحمد لله بقيت كويس كان في مشكلة الدواء في منطقتنا ما في تاني غالي(ترايلبتال Trileptal Tablets)
قالوا استمر في علاج تلاته سنه.الحمد لله الوقعه خفت شديد بجني في شكل نعاس بسيط.مرات بوقف الحبوب لانو بنوم كتير،لمن اصحي بكون محتاج أكل كتير،وأنا مفلس ما عندي حق وجبة”

كما وجّه رسالة” أي زول مريض يمشي تجاني الماحي وما يخجلورسالتي للمجتمع لو لقيت زول وقع بصرع أول حاجه لو مخنوق من الملابس حاول فك الخنقة، ابعدو من المناطق الخطرة ذي الفيها حريق، حديد والشمس. لاحظ للسانو ما يتبلع،ختو علي يدو اليمين أنا بتذكر موقف صعب علي نفسي وقعت في السوق الشعبي،انا لمن أقع برفس شديد وبزبد بتبول بدون أشعر،لمو فيني حرامية شألوا تلفوني وقروشي خلاوني علي حديدة تعريفه ما عندي.لمن اقوم من الوقعه ما بكون فاهم حاجه،بجمّع بعد فترة ومابتذكر اي حاجه.وموقف تاني بعد أخت وقعتي لقيت الناس لامين فيني يقولو السكران السكران كمان في رمضان ينط واحد ادني كفيني لمن اضنيني صنو لمن خشمي بقي ملح ملح…بعد ده ودوني قسم الشرطة فتحو لي مادة 78 ومشكلتي ما قادر اشتغل أي حاجة،ناس البيت خايفين علي شديد يمكن أقع في حته.وماعارف اشتغل شنو؟أتقدم لي اي بت تقول ليك عندو كهرباء زايدة،في البقولو مجنون، الاطفال بطلعوا متخلفين.التعب التعبتو من الناس اكتر من تعبي من الصرع اكتر الألم لمن أقع وأقوم،اشعر الناس بتعاين لي باستخفاف واستحقار وسخرية”

فاطمة بادي _صحيفة القيادة

تعليقات فيسبوك